Mercor стартапы 20 миллиард доллар нарықтық бағасымен 750 млн доллар инвестиция тартты

SiliconANGLE мәліметінше, жасанды интеллект саласындағы деректер мен сараптама ұсынатын Mercor стартапы 10 қараша күні өзінің кезекті қаржыландыру раундында 750 млн доллар инвестиция тартқанын жариялады. Осының нәтижесінде компанияның нарықтық бағасы 20 млрд долларға жетті. Бұған дейін, 2025 жылдың қазан айында, стартап 350 млн доллар инвестиция тартып, компанияның бағалануы 10 млрд долларды құраған еді.

Mercor компаниясы жасанды интеллект модельдерін оқыту және тексеру үшін 5 миллионнан астам салалық маманның тәжірибесін біріктіретін платформа ұсынады. Осы уақытқа дейін бұл қызмет негізінен озық зертханаларға бағытталған болатын. Енді компания бұл инфрақұрылымды әр түрлі салалардағы кәсіпорындарға кеңейтуді жоспарлап отыр.

Компанияның бірлескен бас директоры Brendan Foody кез келген бизнес өз жұмысына арналған ЖИ-агенттерді қажет ететінін және оларды тексеретін тәсіл маңызды екенін атап өтті. Ал бас директорлардың бірі Adarsh Hiremath модельдердің жалпылама сынақтардан сүрінбей өтуі нақты бір бизнес ортасындағы талаптар мен жүйелік қателерді еңсеруге кепілдік бермейтінін жеткізді. Осы мақсатта стартап әрбір корпоративті клиент үшін жеке сынақ орталарын құрады.

Қаржыландырудың бұл раундына Nvidia, Salesforce және Zoom Communications сияқты ірі корпорациялар қатысты. Сондай-ақ Benchmark Capital, Felicis Ventures, General Catalyst және Sapphire Ventures сияқты бұрынғы инвесторлар да өз үлестерін сақтап қалды. Жаңадан түскен қаражат зерттеу жұмыстарын жүргізуге және корпоративті қосымшаларға арналған бағалау инфрақұрылымын кеңейтуге бағытталады.