Google DeepMind жаңа ЖИ құралы Signal протоколының қауіпсіздігін дәлелдеді

Google DeepMind зерттеушілері жаңа жасанды интеллект құралының көмегімен Signal шифрлау протоколының ойдағыдай жұмыс істейтінін формальды түрде дәлелдеді. Бұл туралы Wired хабарлады.

Неге маңызды

Signal протоколы тек Signal мессенджерінде ғана емес, өзге де танымал қосымшаларда хабарламаларды ұштан-ұшқа шифрлау үшін кеңінен қолданылады. Формальды верификация — бағдарламаның тестілеуге ғана емес, математикалық дәлелге сүйене отырып, қалай жұмыс істеуі тиіс болса, дәл солай жұмыс істейтінін растау әдісі. Бұл жұмыс әдетте өте көп уақыт пен еңбекті талап етеді.

Үлкен мақсат

Wired-тің жазуынша, зерттеушілер алдына бұдан да өршіл мақсат қойған: дәл осылай «әлемдегі бүкіл бағдарламалық жасақтаманы» тексеру. Егер бұл мүмкін болса, ЖИ осалдықтарды іздеу мен түзетуді түбегейлі өзгертуі мүмкін.